မြန်မာနိုင်ငံပျောက်ကွယ်သွားနိုင်တယ်လို့ သမိုင်းပညာရှင်ဒေါက်တာသန့်မြင့်ဦးသတိပေး

1865

မြန်မာနိုင်ငံအနေနဲ့ အင်တန်မှ အန္တရာယ်များပြီး သေချာရေရာမှု မရှိလှတဲ့ အနာဂတ်လမ်းကြောင်းပေါ်ကို ယခုအချိန်ကတည်းကရောက်ရှိနေပြီဖြစ်တယ်လို့ သမိုင်းပညာရှင် ဒေါက်တာ သန့်မြင့်ဦးက သတိပေးလိုက်ပါတယ်။

မူဝါဒရေးရာမဟာဗျူဟာ လေ့လာရေးအဖွဲ့ကနေ ဦးဆောင်ပြုလုပ်တဲ့ ယောမင်းကြီးဇရပ် စကားဝိုင်း ဆွေးနွေးပွဲအတွက် သူရဲ့ဆွေးနွေးပြောဆိုချက်မှာ အခုလို သတိပေးလိုက်တာ ဖြစ်ပါတယ်။

အတိတ်မှာစွဲလမ်းနေသူများ…

သဘာဝပတ်ဝန်းကျင် သယံဇာတကို အလွန်အမင်းအားထားနေမှုနဲ့ ပတ်ဝန်းကျင်နိုင်ငံက ကြီးထွားလာမှု ၊ ပြည်တွင်းမှာပဋိပက္ခတွေရှိနေမှု ၊ ဆင်းရဲချမ်းသာ ကွာဟမှု ၊ ကမ္ဘာလုံးဆိုင်ရာ အပြောင်းအလဲတွေအပေါ် ရင်ဆိုင်ဖို့အတွက်လုံလောက်တဲ့ပြင်ဆင်မှုတွေမြန်မာမှာ အဆင်သင့်ရှိမနေမှု တို့အပေါ် သူက အခြေပြု ထောက်ပြခဲ့တာလည်း ဖြစ်ပါတယ်။

မြန်မာတွေအဖို့ အတိတ်က ယုံမှတ်မှားချက်တွေနဲ့ ကြွယ်ဝ ချမ်းသာမှု ၊ အတိတ်က မိမိဘာသာ ဖူလုံမှု သုံးမကုန်တဲ့ သယံဇာတတွေဆိုတဲ့ ကိစ္စတွေအပေါ် စွဲလမ်းနေတာကို ကျော်လွန်သင့်နေပြီဖြစ်ပါတယ် လို့ ဒေါက်တာ သန့်မြင့်ဦးက ပြောပါတယ်။

အနာဂတ်အတွက်ပြင်ဆင်ရမည်…..

ရာသီဥတုဖောက်ပြန်ပြောင်းလဲရင် လူတွေဘယ်မှာနေကြမလဲ ?၊ တရုတ်ကအကုန်လွှမ်းမိုးသွားမလား?၊ ထိုင်းနိုင်ငံလို မြို့ကြီးတွေဖြစ်လာမလား? ၊ မြို့ငယ်ရွာငယ်လေးတွေ ဆက်ကျန်ဦးမှာလား ?လို့ အနာဂတ်ကာလအတွက် ဘယ်လိုပြင်ဆင်ထားကြသလဲ? ဆိုတာကို သူက မေးခွန်းထုတ်ပါတယ်။

ဥပမာအားဖြင့်…. အရေအတွက်ထောင်ချီတဲ့ စီးပွားရေး လုပ်ငန်းအသေးစားတွေကတဆင့် သန်းနဲ့ချီတဲ့ တရုတ်နိုင်ငံသားတွေနဲ့အခြားနိုင်ငံသားခရီးသွား ဧည့်သည်တွေကို ဧည့်ခံနေတဲ့ မန္တလေးဟာ …..လူနည်းစုက ထိန်းချုပ်ထားတဲ့ စက်မှုလုပ်ငန်းအနည်းငယ်နဲ့ ယူနန်ကို ပြည်ပ ပို့ကုန်တွေတင်ပို့ဖို့စိတ်ကူးယဉ်နေတဲ့ မန္တလေးမြို့ နှိုင်းယှဉ်ရင် လုံးဝ ကွဲပြားနေတာ တွေ့ရမှာပါလို့ဒေါက်တာ သန့်မြင့်ဦးက ပြောပါတယ်။

တရုတ်ကိုဘယ်လိုရင်ဆိုင်မလဲ……

၂၀၁၁ က စခဲ့တဲ့ ကူးပြောင်းရေးကာလ နောက်ပိုင်း အထူးသဖြင့်၂၀၁၅ခုနှစ် နောက်ပိုင်းနှစ်တွေအတွင်း နိုင်ငံတကာဆက်ဆံရေးမှာအနောက်နိုင်ငံတွေ၊ ဒေသတွင်းနိုင်ငံတွေနဲ့ဆက်ဆံရေး ပျက်ပြားကုန်ပြီးတရုတ်လိုနိုင်ငံကိုသာ အားထားရမယ့်အခြေအနေတွေဖြစ်နေမှုကြောင့် …..

တရုတ်ရဲ့မဟာဗျူဟာ စီမံချက်တွေအပေါ် မြန်မာအစိုးရရဲ့သုံးသပ် ပြင်ဆင်နိုင်မှုတွေကို ဆွေးနွေးပွဲတက်ရောက်လာတဲ့ လေ့လာသူတွေကတော့ သံသယတွေနဲ့ မေးခွန်းထုတ်ခဲ့ကြပါတယ်။

လတ်တလောအတွင်းမှာပဲ မြန်မာအစိုးရ တာဝန်ရှိသူတွေ ထံကနေတရုတ်နိုင်ငံက… တရုတ်မြန်မာ စီးပွားရေး လမ်း မမှာအဓိက လမ်းကြောင်းဖြစ်တဲ့ ကူမင်း- မန္တလေး ရထားလမ်းစီမံကိန်းအတွက် သဘောတူညီမှုကို မကြာခင်ရယူနိုင်တော့မယ်ဆိုပြီးနိုင်ငံတကာ မီဒီယာအချို့မှာ ပြောဆိုထားတာပါတယ်။

ပွင့်လင်းမြင်သာမှုမရှိတဲ့စီမံကိန်းတွေ…….

ဟောင်ကောင်တက္ကသိုလ်မှာ နိုင်ငံရေးနဲ့ လူထုရေးရာစီမံခန့်ခွဲမှု ဘာသာရပ်နဲ့ မြန်မာ့အရေးကို ဆက်စပ်နေတဲ့ ပါရဘွဲ့ကျောင်းသူဒက်ဘီချန်းကတော့ အမေရိကန် ဒေါ်လာ ဘီလီယံ ၂၀ လောက် ကုန်ကျမဲ့ စီမံကိန်းရဲ့ အပေါ် မေးခွန်းထုတ် ပြောဆိုပါတယ်။

အခုလို မန္တလေး ကူမင်းရထားလမ်းစတင်တော့မယ်ဆိုတာ ကူမင်းကျောက်ဖြူရထားလမ်းရဲ့ အစိတ်အပိုင်းဖြစ်တယ်လို့ယုံကြည်ပါတယ်။ အကြီးမားဆုံး စိန်ခေါ်မှုကတော့ ကုန်ကျငွေ အနည်းဆုံး ဒေါ်လာဘီလီယံ ၂၀ လောက်ရှိမဲ့ စီမံကိန်းအတွက်ဘယ်လို အတိုးနှုန်းတွေ ပေးဆပ်ရမလဲဆိုတဲ့ ကိစ္စတွေပါပဲ။

အဲဒီကိစ္စတွေအတွက် သတင်းအချက်အလက် ရရှိနိုင်မှုကလည်းမရှိသလောက် နည်းပါးလှသလို ပွင့်လင်းမြင်သာမှုအတွက်လည်း မေးခွန်းထုတ်စရာဖြစ်နေတယ်လို့ ဒက်ဘီချန်းက ထောက်ပြပါတယ်။

ပြည်သူတွေအတွက်စဉ်းစားရဲ့လား…..

ကျောက်ဖြူ- ကူမင်းရထားလမ်းက ယခင်အစိုးရလက်ထက်က လူထုကန့်ကွက်မှုတွေ ရှိလို့ စီမံကိန်း ရပ်ထားခဲ့တာလည်း ဖြစ်ပါတယ်။စီးပွားရေးဖွံ့ဖြိုးတိုးတက်မှုတွေအတွက် ရည်ရွယ်တယ်ဆိုပေမယ့်လည်း ပြည်သူအများစုအတွက် တကယ်အကျိုးဖြစ်ပါ့မလားဆိုတာထည့်သွင်းစဉ်းစားဖို့ လိုပါတယ်။

လူထုကန့်ကွက်လို့ ရပ်ထားတဲ့ စီမံကိန်းကို သဘောဆန္ဒမရယူဘဲ ပြန်လုပ်မယ် ပြောလာတာဟာ မဲပေးခဲ့တဲ့ ပြည်သူတွေအတွက်ထည့်သွင်း စဉ်းစားရဲ့လားဆိုတာ မေးစရာဖြစ်လာတယ်လို့ ဒက်ဘီချန်းက ဆိုပါတယ်။

ဆင်းရဲချမ်းသာကွာဟတဲ့အတိုင်းသွားမလား ကမ္ဘာလုံးဆိုင်ရာပြောင်းလဲမှုတွေနဲ့ အပြောင်းအလဲတွေအတွက် အဆင်သင့်ရင်ဆိုင်ဖို့ မြန်မာက ဘယ်နေရာမှာမှ ရှိမနေပါဘူးလို့လည်း ဒေါက်တာ သန့်မြင့်ဦးက ပြောပါတယ်။

ဒေါက်တာ သန့်မြင့်ဦးကတော့ မြန်မာအနေနဲ့ စီးပွားရေးအရ တန်းတူညီမျှမှုကိုဦးစားပေးမလားဒါမှမဟုတ် ….. အခုပုံစံဆင်းရဲချမ်းသာ အကြီးအကျယ်ကွဟနေတဲ့အတိုင်း လက်ခံနေထိုင်ကြမှာလားဆိုတဲ့အချက်ကမဖြစ်မနေစဉ်းစားရမယ့်အချက်လို့ ဆိုပါတယ်။

ရှေးမြန်မာတွေမှာအိုင်ဒီယာရှိခဲ့တယ်…..

လွန်ခဲ့တဲ့နှစ်ပေါင်း ၂၀၀၀ လောက်က မြန်မာတွေရဲ့ လယ်သမားတွေက စုပေါင်းပြီး ပထမဆုံးမြို့ပြနိုင်ငံတွေ ထူထောင်ခဲ့ကြသလိုပိုကျယ်ပြန့်တဲ့ ကမ္ဘာနဲ့ ဆက်သွယ်ခဲ့ကြတဲ့အတွက် ဘာသာ ၊ အစိုးရစနစ် ၊ အနုပညာ ၊ သိပ္ပံနဲ့ ပတ်သက်တဲ့ အိုင်ဒီယာတွေကိုတင်သွင်းလာနိုင်ခဲ့ပြီး …..

လူအဖွဲ့အစည်း ဖွံ့ဖြိုးစေခဲ့ကာ နောက်နှစ် ၁၀၀၀ လောက်အကြာမှာ ပုဂံလို အလယ်ခေတ်သမိုင်းမှာအထင်ကြီး ခန့်ညားဖွယ် မင်းနိုင်ငံ ပေါ်ပေါက်လာခဲ့တယ်လို့ သူက နှိုင်းယှဉ်ပြခဲ့ပါတယ်။

နိုင်ငံပါပျောက်ကွယ်သွားနိုင်တယ်….

ရှေးအတိတ် ကြေးခေတ် နှစ်ထောင်ချီ ကြာပြီဖြစ်တဲ့ ပုဂံခေတ်တုန်းကမြန်မာတွေ လို တွေဝေဆိုင်းငံ့မနေဘဲ ပြင်ပ ဗဟုသုတွေကိုသုံးသပ်ပြီး ပိုပြီးကြီးကျယ်စွာ၊ ဖန်တီးမှုရှိစွာတွေးခေါ်ကြဖို့လိုပြီး ဒီလိုမှမဟုတ်ရင်တော့ နိုင်ငံက ပျောက်ကွယ်ကောင်း ပျောက်ကွယ်သွားနိုင်တယ်လို့ ဒေါက်တာ သန့်မြင့်ဦးက သတိပေးပါတယ်။

သဘာဝပတ်ဝန်းကျင် သယံဇာတအပေါ်မှာပဲ မှီခိုနေမှု ၊ တရုတ်ရဲ့ကြီးထွားလာမှုအပေါ် ဘာတွေပြင်ဆင်ထားသလဲ စတဲ့ အချက်တွေကို သူ့ရဲ့ ထောက်ပြမှုက ဆွေးနွေးသူတွေအတွက်ပါမကအခြား ပွဲလာတက်သူတွေအတွက်ပါ ထည့်သွင်းစဉ်းစားစရာတွေ ဖြစ်စေခဲ့တယ်။ orginal writer / သမိုင်းပညာရှင် ဒေါက်တာ သန့်မြင့်ဦး