မန်းလေးမှာ မနေ့ကဖြစ်ပွားခဲ့တဲ့ နာရေးအိမ်က လူငယ်တစ်ဦးအသတ်ခံရမှု အပြည့်အစုံ

1077

မန်းမှာ မနေ့ကဖြစ်ပွားခဲ့တဲ့ နာရေးအိမ်ကလူငယ်တစ်ဦးအသတ်ခံရမှု ကျူးလွန်သူလို့ ယူဆရသူတွေကို ရဲတပ်ဖွဲ့က ​နေ့ချင်းပဲဖမ်းဆီးနိုင်ခဲ့

မန္တလေး မတ် ၁၂

မန္တလေးမြို့မှာ မနေ့ကဖြစ်ပွားခဲ့တဲ့ နာရေးအိမ်ကလူငယ်တစ်ဦးအသတ်ခံရမှုနဲ့ပတ်သက်လို့ ကျူးလွန်သူလို့ ယူဆရသူတွေကို ရဲတပ်ဖွဲ့ကနေ့ချင်းပဲဖမ်းဆီးနိုင်ခဲ့ပါတယ်။

ဒီဖြစ်စဉ်မှာ ဖမ်းဆီးခံရသူလေးဦးရှိခဲ့ပြီး ၄င်းတို့ကို လူသတ်မှုပုဒ်မ၊ အားပေးကူညီမှုပုဒ်မတွေနဲ့ဖမ်းဆီးအမှုဖွင့်စစ်ဆေးနေတယ်လို့ နယ်မြေခံရဲတပ်ဖွဲ့ဆီကသိရပါတယ်။

ဖြစ်စဉ်မှာ မနေ့ကမနက်အစောပိုင်း ၁ နာရီခွဲအချိန်ခန့်က မန္တလေး ချမ်းမြသာစည်မြို့နယ် ဒေါနခြံရပ် သံလျက်မှော်တောင်ရပ်ကွက် ဒေါနခြံလူမှုကူညီရေးအသင်းအနီးမှာ မောင်နေအောင်(အသက် ၁၉ နှစ်)အား လူတစ်စုကတုတ်နဲ့ဝိုင်းရိုက်နေတယ်လို့ အစ်ကိုဖြစ်သူကိုအောင်ကျော်ဦးရဲ့သတင်းပေးတိုင်ကြားမှုအရ ချမ်းမြသာစည်မြို့နယ် အမှတ်(၁၀)မြို့မရဲစ ခန်းမှတာဝန်ရှိသူတွေသွားရောက်ကြည့်ရှုတာမှာ မောင်နေအောင်ဟာ လမ်းဘေးမှာမှောက်လျက်လဲနေပြီး ပါးစပ်သွေးထွက်ဦးခေါင်းနောက်စေ့ဖူးယောင်ပေါက်ပြဲသွေးထွက်ဒဏ်ရာ၊

ဝဲမျက်လုံးဖူးယောင်၊ ၀ဲလက်ဖျံရိုးကျိုး၊ ၀ဲလက်ချောင်းများကျိုးစတဲ့စိုးရိမ်ရတဲ့ဒဏ်ရာတွေနဲ့တွေ့ရလို့ မန္တလေးအထွေထွေရောဂါကုဆေးရုံကြီးသို့ပို့ဆောင်ကုသမှုပေးခဲ့ကြောင်း၊ ညီဖြစ်သူအားဝိုင်းရိုက်သူတွေကို အရေးယူပေးဖို့တိုင်တန်းလာတာကြောင့် ရဲစခန်းက အပြင်းအထန်နာကျင်စေမှု၊ အားပေးကူညီမှုပုဒ်မတွေနဲ့ ကနဦးအမှုဖွင့်ခဲ့ကြောင်း၊ မနက် ၁၀ နာရီခွဲအချိန်ခန့်မှာ ကျူးလွန်သူလို့ယူဆရသူ ၄ ဦးကို စုံစမ်းရှာဖွေဖမ်းဆီးခဲ့ကြောင်း၊ မွန်းလွဲ ၁ နာရီခွဲအချိန်ခန့်မှာ မောင်နေအောင်သေဆုံးသွားခဲ့တာကြောင့် လူသတ်မှုပုဒ်မနဲ့ ပြောင်းလဲအမှုဖွင့်ခဲ့ကြောင်း ရဲမှတ်တမ်းအရသိရပါတယ်။

“သူတို့က ရပ်ကွက်ထဲနာရေးအိမ်ရှိလို့ဖဲသွားရိုက်ပြီးနိုင်လို့ပြန်လာတာ၊ ပြန်လာပြီးတော့ ရပ်ကွက်အ၀င်လမ်းကြားမှာပဲ အရက်ထိုင်သောက်နေတာ၊ ဟိုကလေးက သူ့အိမ်နာရေးလာ မေးတဲ့သူငယ်ချင်းတွေကို ညမိုးချုပ်ပြီ ၁၂ ကျော်လောက်ဆိုတော့ အိမ်ပြန်ပို့မယ်ဆိုပြီးတော့ ထွက်လာတာ၊ ထွက်လာရင်းနဲ့သူတို့ဝိုင်းနဲ့ဝင်တိုက်မိတာ၊ ၀င်တိုက်မိပြီးတော့စကားများ ပြီးရန်ဖြစ်တာ၊ ပထမတော့လက်သီးနဲ့ထိုးကြတာပါ၊ ထိုးကြရင်းနဲ့ဟိုဘက်ကသုံးယောက်ကထွက်ပြေးတော့ တစ်ယောက်ထဲကျန်နေတုန်း ၀ိုင်းအရိုက်ခံရတာပါ” လို့ အခင်းဖြစ်စဉ်နဲ့ပတ်သက်ပြီး ရဲစခန်းမှ တာဝန်ကျရဲဝန်ထမ်းတစ်ဦးကပြောပါတယ်။

“အမြည်းခွက်ဝင်တိုက်ပြီးစကားများပြီးရန်ဖြစ်ကြတာလို့ သတင်းထွက်တယ်၊ တကယ်တမ်းကျတော့ အဲဒီလိုမဟုတ်ဘူး။ ကလေးကတကယ့်ကိုလူလိမ္မာလးပါ၊ ပရဟိတတွေပဲလုပ်နေတတ်တာပါ၊ အရက် ဆေးလိပ် ကွမ်းယာ ဘာဆိုဘာမှမလုပ်တတ်ပါဘူး” လို့ သေဆုံးသူရဲ့မိသားစုဝင်တစ်ဦးကပြောပါတယ်။

သေဆုံးသူရဲ့မိသားစုဆွေမျိုးသားချင်းတွေကတော့ မောင်နေအောင်သေဆုံးခဲ့ရတာနဲ့ပတ်သက်လို့ အမှန်တရားပဲပေါ်ပေါက်စေချင်တယ်လို့ဆိုပါတယ်။

ဖြစ်စဉ်နဲ့ပတ်သက်လို့ မင်းကိုကို(ခ)ငဒိန်(အသက် ၂၁ နှစ်)၊ ဆန်နီ(ခ)ဘောစိ(အသက် ၄၁ နှစ်)၊ ဇင်ချစ်သူ(အသက် ၂၂ နှစ်) နဲ့ ပြည့်ဖြိုးအောင်(အသက် ၁၇ နှစ်) တို့ကို ရဲစခန်းမှာဖမ်းဆီးထားပြီး ချမ်းမြသာစည်မြို့မရဲစခန်း(ပ)၁၄၁/၂၀၁၉၊ ရာဇသတ်ကြီးဥပဒေပုဒ်မ ၃၀၂/၁၁၄ တို့နဲ့ အမှုဖွင့်အရေးယူထားတယ်လို့သိရပါတယ်။

စောထွေး Popular News Journal