လက္ထပ္ထိမ္းျမားႏုိင္တဲ့ အသက္ကန္႔သတ္ခ်က္ကို ျပင္ဆင္လိုက္ျပီ

381

လက္ထပ္ထိမ္းျမားႏုိင္တဲ့ အသက္ကန္႔သတ္ခ်က္ကို ျပင္ဆင္လိုက္ျပီ

အသက္ ၁၈ ႏွစ္ျပည့္ၿပီးသူကိုသာ လက္ထပ္ထိမ္းျမားတဲ့စာခ်ဳပ္ ခ်ဳပ္ဆုိႏုိင္ခြင့္ျပဳဖို႔ အမ်ိဳးသားလႊတ္ေတာ္ ဥပေဒၾကမ္းေကာ္မတီက ဒီကေန႔ အမ်ိဳးသားလႊတ္ေတာ္မွာ တင္သြင္းလုိက္ပါတယ္။

ဒီကေန႔ ျပန္လည္က်င္းပတဲ့ အမ်ိဳးသားလႊတ္ေတာ္ အစည္းအေ၀းမွာ ကေလးသူငယ္အခြင့္အေရးဆုိင္ရာ ကာကြယ္ေရးဥပေဒကုိ ျပင္ဆင္တဲ့ ဥပေဒၾကမ္းကုိ အမ်ိဳးသားလႊတ္ေတာ္ ဥပေဒၾကမ္းေကာ္မတီက အစီရင္ခံစာ တင္သြင္းလိုက္တာ ျဖစ္ပါတယ္။

၂၀၁၈ ခုႏွစ္၊ ႏုိ၀င္ဘာလ ၂၈ ရက္မွာ ျပည္သူ႔လႊတ္ေတာ္က ကေလးသူငယ္ အခြင့္အေရးဆုိင္ရာ ကာကြယ္ေရးဥပေဒကုိ ျပင္ဆင္တဲ့ ဥပေဒၾကမ္းမွာ အသက္ ၁၈ ႏွစ္ မျပည့္လည္း ဓေလ့ထုံးစံအရ လက္ထပ္ခြင့္ျပဳသင့္တယ္လုိ႔ အတည္ျပဳထားတာပါ။

အဲဒီလိုခြင့္ျပဳတာနဲ႔ပတ္သက္ၿပီး ေ၀ဖန္မႈေတြ၊ စုိးရိမ္မႈေတြ ျဖစ္ေပၚခဲ့ၿပီးေနာက္ ဒီကေန႔ အမ်ိဳးသားလႊတ္ေတာ္က အဲဒီအခ်က္ကုိ ျပင္ဆင္လုိက္တာပါ။

အဲဒီအစီရင္ခံစာနဲ႔ ပတ္သက္ၿပီး အမ်ိဳးသားလႊတ္ေတာ္မွာ မၾကာခင္ေဆြးေႏြးမွာ ျဖစ္ပါတယ္။

RFA သတင္းေထာက္ ကုိ၀င္းကုိကုိလတ္ ေပးပုိ႔တာပါ။RFA Burmese

Unicode

အသက် ၁၈ နှစ်ပြည့်ပြီးသူကိုသာ လက်ထပ်ထိမ်းမြားတဲ့စာချုပ် ချုပ်ဆိုနိုင်ခွင့်ပြုဖို့ အမျိုးသားလွှတ်တော် ဥပဒေကြမ်းကော်မတီက ဒီကနေ့ အမျိုးသားလွှတ်တော်မှာ တင်သွင်းလိုက်ပါတယ်။

ဒီကနေ့ ပြန်လည်ကျင်းပတဲ့ အမျိုးသားလွှတ်တော် အစည်းအဝေးမှာ ကလေးသူငယ်အခွင့်အရေးဆိုင်ရာ ကာကွယ်ရေးဥပဒေကို ပြင်ဆင်တဲ့ ဥပဒေကြမ်းကို အမျိုးသားလွှတ်တော် ဥပဒေကြမ်းကော်မတီက အစီရင်ခံစာ တင်သွင်းလိုက်တာ ဖြစ်ပါတယ်။

၂၀၁၈ ခုနှစ်၊ နိုဝင်ဘာလ ၂၈ ရက်မှာ ပြည်သူ့လွှတ်တော်က ကလေးသူငယ် အခွင့်အရေးဆိုင်ရာ ကာကွယ်ရေးဥပဒေကို ပြင်ဆင်တဲ့ ဥပဒေကြမ်းမှာ အသက် ၁၈ နှစ် မပြည့်လည်း ဓလေ့ထုံးစံအရ လက်ထပ်ခွင့်ပြုသင့်တယ်လို့ အတည်ပြုထားတာပါ။

အဲဒီလိုခွင့်ပြုတာနဲ့ပတ်သက်ပြီး ဝေဖန်မှုတွေ၊ စိုးရိမ်မှုတွေ ဖြစ်ပေါ်ခဲ့ပြီးနောက် ဒီကနေ့ အမျိုးသားလွှတ်တော်က အဲဒီအချက်ကို ပြင်ဆင်လိုက်တာပါ။

အဲဒီအစီရင်ခံစာနဲ့ ပတ်သက်ပြီး အမျိုးသားလွှတ်တော်မှာ မကြာခင်ဆွေးနွေးမှာ ဖြစ်ပါတယ်။

RFA သတင်းထောက် ကိုဝင်းကိုကိုလတ် ပေးပို့တာပါ။RFA Burmese